बालकाण्ड | दोहा 46

अस बिचारि प्रगटउँ निज मोहू। हरहु नाथ करि जन पर छोहू।।

रास नाम कर अमित प्रभावा। संत पुरान उपनिषद गावा।।

संतत जपत संभु अबिनासी। सिव भगवान ग्यान गुन रासी।।

आकर चारि जीव जग अहहीं। कासीं मरत परम पद लहहीं।।

सोपि राम महिमा मुनिराया। सिव उपदेसु करत करि दाया।।

रामु कवन प्रभु पूछउँ तोही। कहिअ बुझाइ कृपानिधि मोही।।

एक राम अवधेस कुमारा। तिन्ह कर चरित बिदित संसारा।।

नारि बिरहँ दुखु लहेउ अपारा। भयहु रोषु रन रावनु मारा।।

दो0-प्रभु सोइ राम कि अपर कोउ जाहि जपत त्रिपुरारि।

सत्यधाम सर्बग्य तुम्ह कहहु बिबेकु बिचारि।।46।।